Azərbaycanda sosial xidmətlərin əlçatanlığının təmin olunması məqsədilə elektron sosial xidmət xəritəsi hazırlanır
Bakı, 5 dekabr, G.Mahmudlu, L.Muradzadə, AZƏRTAC
Azərbaycanda sosial xidmətlərin əlçatanlığının təmin olunması, onların avtomatlaşdırılması və hər bir region üzrə əhatə dairəsinin genişləndirilməsi üçün elektron sosial xidmət xəritəsi hazırlanır, elektron keys menecment sistemi üzrə işlər aparılır.
AZƏRTAC xəbər verir ki, bunu əmək və əhalinin sosial müdafiəsi naziri Anar Əliyev Bakıda “Türk dövlətlərində ortaq rifah naminə əmək sahəsində əməkdaşlıq” adı altında keçirilən Türk Dövlətləri Təşkilatının (TDT) əmək, məşğulluq və sosial müdafiə nazirlərinin birinci iclasında çıxışı zamanı deyib.
Nazirin sözlərinə görə, Azərbaycan hökuməti bütün sahələrdə olduğu kimi, əmək, məşğulluq və sosial müdafiə sahəsində də həyata keçirdiyi siyasətində rəqəmsallaşmanın yaratdığı imkanlardan istifadə edərək şəffaf və operativ mexanizmlər tətbiq edir: “Əmək, məşğulluq və sosial müdafiə sahələrində xidmətlərin rəqəmsallaşdırılması sahəsində nazirliyin təqdim etdiyi 149 xidmətin 90 faizindən çoxu artıq elektronlaşdırılıb, onlardan 50-dən çoxu proaktivdir. Pensiya təyinatının avtomatlaşdırılması nəticəsində yaşa görə pensiya təyinatlarının cari ildə artıq 94 faizi proaktiv şəkildə həyata keçirilib".
Bölmənin digər xəbərləri
