Azərbaycanın dağlıq ərazilərinə güclü qar yağıb
Noyabrın 2-si günün ikinci yarısından 3-ü səhərədək ölkə ərazisində hava şəraiti kəskin dəyişib, güclü şimal-qərb küləyi əsib, yağış, dağlıq və dağətəyi rayonlarda qar yağıb, bəzi yerlərdə intensiv olub.
Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib. Məlumata görə, yağıntının miqdarı Lənkəran-Astara zonasında 32 (aylıq normanın 78 faizi), Mərkəzi Aran rayonlarında 36 (aylıq normanın 125 faizi), Böyük Qafqazda 28 (aylıq normanın 43 faizi), Kiçik Qafqazda 18, Qazax-Gəncə zonasında 13, (aylıq normanın 87 faizi), Naxçıvan Muxtar Respublikasında 13 mm (aylıq normanın 82 faizi), Bakıda və Abşeron yarımadasında 27 mm-dək (aylıq normanın 99 faizi) təşkil edib.
Qar örtüyünün hündürlüyü Xınalıqda 40, Altıağacda 25, Göygöldə 23, Daşkəsəndə 18, Gədəbəydə 7 sm olub.
Abşeron yarımadasında və bir sıra rayonlarda güclü şimal-qərb küləyi əsib.
Noyabrın 2-də minimal temperatur Bakıda və Abşeron yarımadasında 4-8, aran rayonlarında 1-7, dağlıq rayonlarda 2 dərəcəyədək, Naxçıvan Muxtar Respublikasında 4 dərəcəyədək isti təşkil edib.
Bölmənin digər xəbərləri
