Azərbaycanın qeyri-neft ixracı 14 faiz artıb
Bakı, 6 dekabr, AZƏRTAC
Bu ilin yanvar-noyabr aylarında Azərbaycanın qeyri-neft ixracının dəyəri 2 milyard 688,09 milyon ABŞ dolları təşkil edib.
Bu barədə AZƏRTAC-a İxracın və İnvestisiyaların Təşviqi Agentliyindən (AZPROMO) bildirilib.
Cari ilin 11 ayında Azərbaycanın qeyri-neft ixracı ötən ilin analoji dövrü ilə müqayisədə 14 faiz artıb. Təkcə bu ilin noyabr ayında Azərbaycandan 302,13 milyon dollarlıq qeyri-neft məhsulları ixrac edilib ki, bu da əvvəlki ayla müqayisədə 12,2 faiz çoxdur.
Xatırladaq ki, 2021-ci ildə Azərbaycanın qeyri-neft ixracı illik müqayisədə 47,2 faiz artaraq 2 milyard 713,4 milyon ABŞ dolları olub.
Bölmənin digər xəbərləri
