Azərbaycanın Rumıniyadakı səfirliyində yaradılan səsvermə məntəqəsi seçiciləri gözləyir
Buxarest, 6 fevral, AZƏRTAC
Azərbaycanda fevralın 7-nə təyin olunmuş növbədənkənar prezident seçkiləri ilə əlaqədar ölkəmizin Rumıniyadakı səfirliyində seçki məntəqəsi yaradılıb, məntəqə seçki komissiyasının sədri, katibi və üzvləri seçilib.
AZƏRTAC xəbər verir ki, Rumıniyada yaşayan və ya uzunmüddətli xarici ezamiyyətdə olan Azərbaycan vətəndaşları fevralın 7-də yerli vaxtla saat 8:00-dan 19:00-dək səfirlikdə yaradılmış seçki məntəqəsində səs verə biləcəklər. Yaşı 18-ə çatmış və aktiv seçki hüququna malik Azərbaycan vətəndaşları respublikamızın etibarlı ümumvətəndaş pasportu və ya şəxsiyyət vəsiqəsi ilə səsvermədə iştirak edə bilərlər.
Məntəqə səsverməyə tam hazırdır. Rumıniyada konsulluq qeydiyyatında olan vətəndaşlarımızın prezident seçkiləri ilə bağlı maarifləndirilmələri üçün bütün zəruri işlər görülüb, onlar səsvermədə iştirakla əlaqədar məlumatlandırılıb.
İqbal Hacıyev
AZƏRTAC-ın xüsusi müxbiri
Buxarest
Bölmənin digər xəbərləri
