Azərbaycanın və Gürcüstanın Müstəqillik Gününə həsr olunan kikboksinq üzrə dostluq turniri keçiriləcək
Tbilisi, 24 may, AZƏRTAC
Mayın 26-dan 28-dək Marneuli şəhərində kikboksinq üzrə yeniyetmə və gənclər arasında dostluq turniri keçiriləcək.
Bu barədə AZƏRTAC-a Azərbaycanın Gürcüstandakı səfirliyindən məlumat verilib.
Bildirilib ki, səfirliyin təşəbbüsü ilə təşkil olunan turnir Gürcüstanın Müstəqilliyi Gününə və Azərbaycanın Respublika Gününə həsr olunacaq. Turnirdə Gürcüstanın 18 şəhərindən 15 çəki kateqoriyası üzrə 150 idmançı iştirak edəcək.
Turnirin açılış mərasimi mayın 26-da ilk Gürcüstan Demokratik Respublikasının, final qarşılaşmaları və mükafatlandırma mərasimi isə mayın 28-də Azərbaycan Xalq Cümhuriyyətinin elan edildiyi tarixdə keçiriləcək. Mayın 28-də, həmçinin 28 May-Respublika Gününə həsr olunmuş konsert olacaq.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
