Azərbaycanlı deputat Strasburqda uşaq hüquqları ilə bağlı çıxış edib
Strasburqda Uşaq hüquqları strategiyasına dair Avropa Şurası ekspertlər komitəsinin birinci iclası keçirilir.
AZƏRTAC xəbər verir ki, iclasda Avropa Şurasının 2012-2015-ci illər üçün uşaq hüquqları strategiyasının həyata keçirilməsi ilə bağlı vəziyyət və növbəti strategiyanın hazırlanması məsələləri müzakirə olunur.
Milli Məclisin beynəlxalq münasibətlər və parlamentlərarası əlaqələr komitəsinin sədri müavini, Avropa Şurasının Parlament Assambleyasının ümumi işlər, sağlamlıq və davamlı inkişaf üzrə komitəsinin üzvü Sevinc Fətəliyeva iclasda uşaq hüquqlarının qorunmasının AŞPA tərəfindən təbliği ilə bağlı çıxış edib. O, AŞPA-nın bu sahədəki rolu, uşaq hüquqları haqqında qəbul edilən son qətnamələr, cari və gələcək fəaliyyət barədə danışıb. S.Fətəliyeva, həmçinin uşaq hüquqlarının qorunması ilə bağlı Avropa Şurasının yeni strategiyasına dair təkliflər verib.
Bölmənin digər xəbərləri
