Azərbaycanlı tələbələr Almaniyada yürüşə hazırlaşır
Bakı, 22 fevral (AZƏRTAC). Xocalı soyqırımının 19-cu ildönümü ilə əlaqədar Gənclər üçün Təhsil Mərkəzi Alman-Azərbaycan Dialoq Platforması ilə birgə Almaniyanın Kassel şəhərində yürüş keçirəcəkdir.
Azərbaycanın Gənclər və İdman Nazirliyindən AZƏRTAC-a bildirmişlər ki, fevralın 26-da Kassel şəhərinin mərkəzi meydanından başlayacaq və şəhər meriyasının qarşısına qədər davam edəcək yürüşün məqsədi Xocalı faciəsi ilə bağlı həqiqətləri Almaniya ictimaiyyətinin diqqətinə çatdırmaqdır.
Kassel meriyasının rəsmi razılığı ilə təşkil olunacaq yürüşdə Almaniyada təhsil alan azərbaycanlı və türk tələbələr iştirak edəcəklər.
Bölmənin digər xəbərləri
