Azərbaycanlı tələbələr Vyanada keçirilən bayram tədbirində iştirak etmişlər
Bakı, 6 iyun (AZƏRTAC). Azərbaycanlı tələbələr Avstriyanın paytaxtı Vyanada keçirilən bayram tədbirində iştirak etmişlər.
Diasporla İş üzrə Dövlət Komitəsindən AZƏRTAC-a bildirmişlər ki, Vyananın Modul Universitetində hər il ənənəvi olaraq “Beynəlxalq gün” adı altında təşkil olunan tədbirdə 300-dən artıq tələbə təmsil etdiyi ölkənin mədəniyyətini, incəsənətini, milli mətbəxini nümayiş etdirmişdir.
Tədbirdə ölkəmizi layiqincə təmsil edən tələbələr “Azərbaycan guşəsi” yaratmışlar. Sürəyya Talışinskaya və Atilla Bayramov tərəfindən hazırlanmış guşədə xalqımızın milli mədəniyyətini əks etdirən suvenirlər, atributlar, milli mətbəximizdən nümunələr, müxtəlif şirniyyatlar təqdim olunmuşdur. Milli geyimdə olan tələbə Sürəyya Talışinskayanın ifa etdiyi Azərbaycan rəqsini iştirakçılar xüsusi maraqla qarşılamışlar. Bayram tədbirinin sonunda Azərbaycanla bağlı videoçarx nümayiş etdirilmişdir.
Bölmənin digər xəbərləri
