Bahar Muradova: “Fəaliyyət Planı”nın hazırlanmasında uşaqların iştirakı strateji əhəmiyyətli addımdır
Bakı, 2 iyun, AZƏRTAC
Bu gün “Mənim səsim - hüquqlarım” mövzusunda tədbirdə il ərzində fəallığı ilə seçilən 100-ə yaxın uşaq iştirak edir. Ölkəmizdə uşaq hüquqlarının təmin olunması, onların sosial inteqrasiyası və inkişafı istiqamətində sistemli tədbirlər görülməkdədir. “Uşaqlara dair Strategiyanın həyata keçirilməsi üzrə 2026–2030-cu illər üçün Fəaliyyət Planı”nın hazırlanmasında uşaqların iştirakı və rəyinin nəzərə alınması strateji əhəmiyyətli addımdır.
AZƏRTAC xəbər verir ki, bu sözləri Ailə, Qadın və Uşaq Problemləri üzrə Dövlət Komitəsinin sədri Bahar Muradova iyunun 2-də Bakıda komitənin təşkilatçılığı ilə keçirilən “Mənim səsim – hüquqlarım” mövzusunda dəyirmi masada çıxışı zamanı söyləyib.
O, Uşaq Səfirlər Məclisinin formalaşdırılmasının uşaq iştirakçılığının artırılması və onların dövlət idarəçiliyi proseslərinə töhfə verməsi baxımından mühüm platforma olduğunu qeyd edib: “Bu təşəbbüs uşaqların öz hüquqları barədə məlumatlılığı artırır, həmçinin onların cəmiyyətin həyatında fəal mövqe sərgiləməsinə geniş imkanlar yaradır”.
Bölmənin digər xəbərləri
