Bahrom Aşrafxanov: Azərbaycanla əlaqələrin hərtərəfli inkişafı Özbəkistanın əsas xarici siyasət prioritetləri sırasındadır
Bakı, 4 iyun, AZƏRTAC
Azərbaycanla əlaqələrin hərtərəfli inkişafı Özbəkistanın əsas xarici siyasət prioritetləri sırasındadır. Biz Azərbaycan Prezidenti İlham Əliyevin rəhbərliyi altında bütün sahələrdə aparılan genişmiqyaslı islahatları görürük.
AZƏRTAC xəbər verir ki, bunu Özbəkistanın Azərbaycandakı səfiri Bahrom Aşrafxanov "Azərbaycan və Özbəkistan: qarşılıqlı faydalı əməkdaşlığın inkişafının perspektivli istiqamətləri" adlı Azərbaycan-Özbəkistan Ekspert Şurasının ikinci iclasında bildirib.
O əlavə edib ki, hazırda Azərbaycanla yaşıl enerji də daxil olmaqla, 20 əsas istiqamət üzrə əməkdaşlıq edilir: "Biz nəqliyyat-logistika dəhlizlərinin formalaşdırılmasına da diqqət yetiririk. Ölkələrimiz bu məsələni tərəqqiyə nail olmağın əsas istiqaməti kimi nəzərdən keçirir. Son 5 ildə ticarət dövriyyəsinin həcmi artaraq, 255 milyon dollara çatıb. Azərbaycanda 70 şirkət özbək kapitalı ilə fəaliyyət göstərir. Yaşıl enerji sahəsində əməkdaşlıq da prioritet təşkil edir. Biz yaşıl enerjinin istehsalı və Azərbaycan ərazisi ilə ixracında maraqlıyıq. Mədəni-humanitar əlaqələrin inkişafına da diqqət yetiririk. Həmçinin iki ölkə arasında dostluq qrupları fəaliyyət göstərir”.
Bölmənin digər xəbərləri
