BAKI BANKLARARASI VALYUTA BİRJASINDA HƏRRACLARIN YEKUNLARI
Birjanın informasiya-təhlil şöbəsindən AZƏRTAC-ın müxbirinə bildirmişlər ki, elektron hərraclarının birja sistemində (EHBS) səhər sessiyasının açılışında USD/AZN-in məzənnəsi 1 dollar üçün 0,8803 AZN-ə bərabər idi. USD/AZN T+0 aləti üzrə bağlanmış əqdlərin həcmi 440 450 AZN olmuşdur. Sessiyanın yekunlarına görə manatın dollara nisbətdə məzənnəsi dəyişməz qalmışdır.
EHBS-in gündüz sessiyasında USD/AZN T+0 aləti üzrə 44 020 AZN-ə bərabər əqd qeydə alınmışdır. Sessiyanın orta hesablanmış məzənnəsi 1 dollar üçün 0,8804 AZN olmuşdur.
Beləliklə, hər iki sessiyanın yekunlarına görə dollar alətləri üzrə hərracların ümumi həcmi 550 min dollar olmuşdur ki, bu da manat ekvivalenti ilə 484 470 AZN təşkil edir. Bir əqdə orta hesabla 183 333 dollar düşmüşdür.
USD/AZN T+1 aləti üzrə 176 260 AZN-ə bərabər əqd qeydə alınmışdır. Orta hesablanmış məzənnə 1 dollar üçün 0,8805 AZN olmuşdur.
USD/AZN T+2 və AUR/AZN T+0, T+1 və SWAP-USD/AZN alətləri üzrə tələb olmadığından dilerlər əqd bağlamamışlar.
EHBS-də banklar AUR/AZN, RUB/AZN alətləri üzrə sifariş verməmişlər.
EHBS sistemi çərçivəsində fəaliyyət göstərən banklararası kredit bazarında market-meykerlər tərəfindən verilən sifarişlər əsasında hesablanan BakiBOR indeksi 90 günlük alətlər üzrə illik manatla 15,25 faiz, ABŞ dolları üzrə isə 15,90 faiz təşkil etmişdir.
Sentyabrın 5-də birjada banklar arasında kredit alətləri üzrə əqd bağlanmamışdır.
Bölmənin digər xəbərləri
