“Bakı” klubu AZAL-ı 2:1 hesabı ilə məğlub etmişdir
Bakı, 7 may (AZƏRTAC). Mayın 7-də futbol üzrə Unibank Premyer Liqasının 30-cu turuna paytaxtın “Bakı”-AZAL komandalarının oyunu ilə start verilmişdir.
AZƏRTAC xəbər verir ki, Tofiq Bəhramov adına Respublika stadionunda keçirilmiş oyunun 20-ci dəqiqəsində “Bakı”nın futbolçusu Aleksandr Soliç hesabı açmışdır. Qarşılaşmanın 66-cı dəqiqəsində AZAL-ın futbolçusu Usim Nduka hesabı bərabərləşdirmişdir. Matçın 79-cu dəqiqəsində Vyaçeslav Safroninin vurduğu qol “Bakı”nın qələbəsini rəsmiləşdirmişdir.
Beləliklə, baş hakim Rəhim Həsənovun idarə etdiyi oyun 2:1 hesabı ilə “Bakı” klubunun xeyrinə başa çatmışdır.
Bölmənin digər xəbərləri
