Bakı Slavyan Universitetində “Gələcəyin diplomatları” layihəsi keçiriləcək
Bakı, 4 iyul, AZƏRTAC
Bakı Slavyan Universitetinin (BSU) rəhbərliyinin dəstəyi və bu ali məktəbin Beynəlxalq münasibətlər, regionşünaslıq və jurnalistika fakültəsinin Gənc Diplomatlar Klubunun təşkilatçılığı ilə Azərbaycan Respublikasının diplomatik xidmət orqanlarının yaradılmasının 101-ci ildönümünə həsr olunmuş “Gələcəyin diplomatları” layihəsi keçiriləcək. Qeyd edək ki, layihənin hədəf qrupu bakalavrlar və magistrantlardır.
BSU-dan AZƏRTAC-a bildirilib ki, layihə çərçivəsində 9-13 iyul tarixlərində müxtəlif mövzularda onlayn formada görüşlər həyata keçiriləcək. Layihədə iştirak edən gənclər üçün “Azərbaycan diplomatiyası və xarici siyasəti” , “Diplomatiyanın əsasları, vəzifələri”, “Münaqişələrdə diplomatiyanın effektivliyi” və bu kimi müxtəlif mövzularda onlayn təlimlər təşkil ediləcək.
Layihədə iştirak edənlər sertifikatla mükafatlandırılacaq.
Son qeydiyyat tarixi 8 iyul 2020-ci il saat 12:00-dir.
Qeydiyyat linki:
Bölmənin digər xəbərləri
