İDMAN
BAKIDA KEÇİRİLƏCƏK DÜNYA ÇEMPİONATINDA İLK OLARAQ YUNAN-ROMA GÜLƏŞİ ÜZRƏ PƏHLƏVANLAR QÜVVƏLƏRİNİ SINAYACAQLAR
Azərbaycan Güləş Federasiyasından AZƏRTAC-a bildirmişlər ki, sentyabrın 17-dən 23-dək Bakıda kişi və qadınlar arasında sərbəst və yunan-Roma güləşi üzrə dünya çempionatı keçiriləcəkdır.
Yarışlarda qələbə qazanan idmançılar müxtəlif mükafatlarla yanaşı, 2008-ci Pekin Yay Olimpiya Oyunlarına lisenziya qazanmaq şansı əldə edəcəklər.
Yarışların təqvimi artıq məlumdur. Xarici nümayəndələr paytaxtımıza sentyabrın 15-dək gələcəklər.
Yarışlar sentyabrın 17-də yunan-Roma güləşçilərinin mübarizəsi ilə başlayacaqdır. Əvvəlcə döşək üzərinə 74, 84 və 96 kiloqram çəki dərəcəsində mübarizə aparan pəhləvanlar çıxacaqlar.