Bakıda “McConkey” sənədli filminin xeyriyyə premyerası olmuşdur
Bakı, 1 noyabr (AZƏRTAC). Noyabrın 1-də Nizami Kino Mərkəzində ekstremal idman növünün ən istedadlı və qeyri-adi nümayəndəsi olan Şeyn Makkonkinin həyatından bəhs edən yeni “McConkey” sənədli filminin xeyriyyə premyerası olmuşdur.
AZƏRTAC xəbər verir ki, film özündə həm inanılmaz enişlərin dinamik çəkilişlərini, şəxsi video arxivindən fraqmentləri, həmçinin dahi ekstremal dağ xizək idmanı üzrə novator Şeyn Makkonkini yaxından tanıyanlardan müsahibələri birləşdirmişdir. Bu filmdə tamaşaçılar öz qəhrəmanlarına başqa tərəfdən nəzər salmışlar və adi həyatda onun necə olduğunu daha yaxından görmüşlər. İdmana gəlincə, film şəxsi qaydaları ilə oynayaraq, öz arzusuna sadiq qalaraq və hər gün həyatdan hər şey alaraq başqalarının standartlarına uyğunlaşmaq istəməyən insanın müvəffəqiyyətə nail ola bildiyi barədə söhbət açır.
Norveçdən olan xizəkçi və beys-jamper Karina Xollekim demişdir ki, bu filmdə hətta ekstremal idman növündən uzaq olanlar da qəlblərinə toxunan məhəbbət, məqsədə çatmaq və həyatı sevmək kimi elementlər tapacaqlar. Film göstərir ki, insan özünü xoşbəxt edən bir şey tapa bilər və onun sayəsində hər gününü təbəssümlə qarşılayar.
Təəssüf ki, idmanda da həyatdakı kimi, bəzən ən hazırlıqlı və istedadlı insanlar bədbəxt hadisə qarşısında gücsüz olurlar. Şeyn Makkonki üçün bu hadisə fəlakətlə bitmişdir. O, 2009-cu il martın 26-da, 39 yaşında İtaliya dağlarında faciəvi şəkildə həyatını itirmişdir.
Bölmənin digər xəbərləri
