BAKIDA QADIN VOLEYBOL KLUBLARI ARASINDA MİNİ-TURNİR KEÇİRİLƏCƏKDİR
Avropa kubokları turnirlərinə hazırlaşan Azərbaycan voleybol komandaları arasında mini-turnir keçiriləcəkdir. Bu barədə AZƏRTAC-a Azərbaycan Voleybol Federasiyasından bildirmişlər.
Hazırlığın səmərəli olması üçün federasiyanın idman zalında “Azərreyl”, “Rabitə”, “İqtisadçı” və “Lokomotiv” klubları arasında yarışın keçirilməsi qərara alınmışdır. Turniri oktyabrın son günlərində keçirmək nəzərdə tutulmuşdur.
Xatırladaq ki, “Azərreyl” Avropa Voleybol Konfederasiyasının kuboku, “Rabitə” və “İqtisadçı” klubları isə “Çelenc kuboku” turnirlərində mübarizə aparacaqlar.
Bölmənin digər xəbərləri
