BAKIDA YENİ ŞİRNİYYAT EVİ FƏALİYYƏTƏ BAŞLAMIŞDIR
Türkiyənin ölkəmizdəki səfiri Turan Moralı, Türk Sənayeçi və İş Adamları Beynəlxalq Cəmiyyətinin (TÜSİAB) sədri Bataçar Baysal və şirniyyat evinin sahibi Burhan Bekçi mərasimdə çıxış edərək, iki qardaş ölkə arasında iqtisadi əlaqələrin sürətlə inkişafından, türk iş adamlarının Azərbaycanda fəaliyyəti üçün yaradılan əlverişli şəraitdən danışmışlar. Bildirilmişdir ki, hazırda Azərbaycanda 350-dən çox türk şirkəti fəaliyyət göstərir və onlardan 264-ü TÜSİAB-ın üzvüdür. Yeni yaradılan müəssisədə işləyən şirniyyat ustaları Türkiyədən dəvət olunmuşlar, qalan işçilər isə yerli vətəndaşlardır. Burada əhaliyə 30 növdə şirniyyat təklif olunacaqdır. Bakının müxtəlif yerlərində iki şöbənin də açılması nəzərdə tutulur.
Şirniyyat evinin yaradılmasına 300 min ABŞ dolları məbləğində sərmayə qoyulmuşdur.
Bölmənin digər xəbərləri
