BDU tələbələrinin nəzərinə: Onlayn GNSS təlimi
Bakı, 29 sentyabr, AZƏRTAC
Bakı Dövlət Universiteti (BDU) Tokio Universitetinin Məkan Məlumatları Elmi Mərkəzi (CSIS) ilə birgə onlayn GNSS təlimi elan edir. Təlimlər oktyabrın 7-də, 8-də və 11-də keçiriləcək.
Bu barədə AZƏRTAC-a BDU-dan məlumat verilib.
Proqram çərçivəsində tələbələr Qlobal Naviqasiya Peyk Sistemləri (GNSS) üzrə nəzəri və praktiki biliklər əldə edəcəklər:
- GNSS peyk sistemlərinə və siqnallarına giriş
- Mövqeyin dəqiqliyi, GNSS səhvləri və ölçmə üsulları
- GNSS tətbiqləri (məsələn, nəqliyyatda tıxacların monitorinqi)
- RTKLIB proqramının istifadəsi və praktiki məşğələlər
- Qəbuledici qurğuların sazlanması və real məlumatların emalı
- Dəqiqlik analizi, yekun müzakirə və Q&A sessiyası
İştirak üçün meyarlar:
- BDU-nun bütün təhsil pillələrində təhsilalanlar üçün açıqdır.
- Coğrafiya, geodeziya, geofizika, yer elmləri, mühəndislik, fizika, riyaziyyat və tətbiqi riyaziyyat, informatika, data elmləri və əlaqəli ixtisas və ixtisaslaşmalarda təhsilalanlar üstünlük təşkil edəcək.
- Yüksək akademik göstəricilər
- GNSS, peyk texnologiyaları və məkan tətbiqlərinə maraq
- Təlimlərin bütün sessiyalarında aktiv iştirak etmək və ingilis dilində dərsləri izləmək bacarığı
Maraqlanan tələbələr iştirak üçün oktyabrın 3-dək təhsil aldıqları fakültələrin dekanlığına yaxınlaşa bilərlər.
Bölmənin digər xəbərləri
