Azərbaycan Dövlət İnformasiya Agentliyi

DÜNYA

BEKHEMİN BUTSLARI TƏBİİ FƏLAKƏTDƏN ZƏRƏR ÇƏKƏNLƏRƏ YENƏ DƏ KÖMƏK ETDİ

30.12.2005 [13:55]
Çap et
A⁺ A^-

AZƏRTAC Bi-Bi-Si-nin saytına istinadla xəbər verir ki, norveçli milyarder İdar Vollvik Pakistanda zəlzələdən zərər çəkmiş insanlara yardım göstərmək üçün məşhur ingilis futbolçusu Devid Bekhemin bir cüt butsunu 1 milyon krona (85,6 min funt sterlinqə) almışdır.

“Çess” internet-telefon şirkətinin banisi olan biznesmen bu gümüş butsları “Norske Kvinners Sanitetsforening” xeyriyyə təşkilatından almışdır. Təşkilat əldə edilən vəsaiti təbii fəlakətdən zərər çəkmiş insanlar üçün çadırlar alınmasına yönəldəcəkdir.

Cənub-Şərqi Asiyada 2004-cü il dekabrın 26-da baş vermiş sunami qurbanlarına yardım göstərilməsi üçün vəsait toplanması tədbiri də elə həmin butsların köməyi ilə keçirilmişdir.