Belçikada Gəncə və Bərdə terrorlarının qurbanlarının xatirəsi anılıb
Bakı, 3 noyabr, AZƏRTAC
Belçikanın Ham şəhərində işğalçı Ermənistan ordusunun Azərbaycanın Bərdə və Gəncə şəhərlərinə, eləcə də digər yaşayış məntəqələrinə ağır artilleriyadan hücumu nəticəsində həlak olan mülki şəxslərin, eləcə də ölkəmizin ərazi bütövlüyü uğrunda canından keçən şəhidlərin xatirəsi anılıb.
Diasporla İş üzrə Dövlət Komitəsindən AZƏRTAC-a bildirilib ki, Azərbaycan və Türkiyə icmalarının nümayəndələrinin iştirak etdiyi anım mərasimində Belçika-Azərbaycan Dostluq Cəmiyyətinin sədri Ayxan Dəmirçi Ermənistanın Azərbaycanda törətdiyi terror aktları barədə məlumat verib, dinc əhalinin və günahsız körpələrin işğalçı Ermənistan ordusu tərəfindən qəsdən hədəfə alınmasının yolverilməz olduğunu bildirib.
Bölmənin digər xəbərləri
