BƏRDƏ PAMBIQÇILARI MƏHSUL YIĞIMINA BAŞLAMIŞLAR
“Qarabağ-Pambıq” Açıq Səhmdar Cəmiyyətinin sədri Qabil Süleymanov AZƏRTAC-ın müxbirinə bildirmişdir ki, bu il 1300 fermer və torpaq mülkiyyətçisi ilə müqavilə bağlanmış, 4 min hektar sahəyə çiyid səpilmişdir. Sahələrdə əsasən “Ağ qızıl”, “30-38”, “Muğan-395” pambıq sortları becərilmişdir.
Pambıqçılarımız qısa müddətdə 500 tondan çox məhsul tədarük etmişlər. Məhsulu daşımaq üçün kifayət qədər nəqliyyat vasitəsi ayrılmışdır.
X X X
Bərdə Ərazi Kənd Təsərrüfatı İdarəsinin əhatə etdiyi Ağdam, Ağcabədi, Tərtər, Füzuli, Beyləqan və İmişli rayonlarında da pambıq yığımına başlanmışdır. Bu il həmin rayonlar üzrə 37 min 303 hektar sahənin məhsulu toplanacaqdır. 80 min tondan çox pambıq istehsal etmək nəzərdə tutulmuşdur. Qısa müddətdə 5 min tondan çox məhsul tədarük olunmuşdur. Məhsul yığımı gündən-günə sürətlənir.
Bölmənin digər xəbərləri
