BEŞ AVTOMAŞININ TOQQUŞMASI 6 NƏFƏRİN ÖLÜMÜNƏ SƏBƏB OLMUŞDUR

06.09.2006 [22:52]
Çap et
A⁺ A^-

Daxili işlər Nazirliyinin mətbuat xidmətindən AZƏRTAC-a verilən məlumata görə, Sabunçu rayonu ərazisində Adil Alıyevin “BMW”, Bəşir Süleymanlının “VAZ-2107”, sahiblərinin adları hələlik məlum olmayan “VAZ-21011”, “VAZ-21099” və “Toyota Land Kruzer” markalı avtomaşınlar toqquşmuşdur.

Nəticədə, A.Alıyev, “VAZ-21011” markalı avtomaşının sərnişini, Bakı şəhər sakini Əkrəm Hüseynov və digər 4 nəfər hadisə yerində ölmüş, R.Süleymanlı isə xəstəxanaya yerləşdirilmişdir.

Faktla bağlı Sabunçu Rayon Polis İdarəsi tərəfindən araşdırma aparılır.

Cəlilabad rayonu ərazisində isə Aydın Hüseynov idarə etdiyi “VAZ-21011” markalı avtomaşınla rayon sakinləri Dilbər Quliyeva və Murad Muradovu vurmuşdur. Hər iki piyada hadisə yerində keçinmişdir.

Cəlilabad Rayon Polis Şöbəsində hadisə ilə əlaqədar cinayət işi açılmışdır.