Beyləqanda 20 Yanvar şəhidlərinin xatirəsi böyük ehtiramla yad edilmişdir
Beyləqan, 20 yanvar (AZƏRTAC). Beyləqan rayonunda 20 Yanvar faciəsi qurbanlarının xatirəsi böyük ehtiramla yad edilmişdir. AZƏRTAC xəbər verir ki, rayonun idarə və müəssisələrində, əmək kollektivlərində yığıncaqlar, konfranslar keçirilmiş, yanvarın 19-da ümumtəhsil məktəblərində dərslər faciəyə həsr edilmişdir.
Yanvarın 20-də Beyləqan şəhərində “Şəhidlər” abidə kompleksi qarşısında ümumrayon anma mərasimi olmuşdur. Rayon rəhbərliyi, ağsaqqallar, gənclər, ziyalılar, müharibə veteranları, əmək kollektivlərinin nümayəndələri, məktəblilər həzin musiqi sədaları altında abidə kompleksini ziyarət etmiş, önünə əklil və al qərənfillər qoymuşlar. Şəhidlərin ruhuna dualar oxunmuşdur.
Saat 12.00-da 20 Yanvar şəhidlərinin əziz xatirəsi bir dəqiqəlik sükutla yad olunmuş, avtomobillərdən səs siqnalları verilmişdir.
Bölmənin digər xəbərləri
