Beyləqanda “Hanı mənim Xocalım” adlı fotosərgi açılmışdır
Beyləqan, 23 fevral (AZƏRTAC). Beyləqanda Xocalı faciəsinin 20-ci ildönümünə həsr olunmuş “Hanı mənim Xocalım” adlı fotosərgi açılmışdır.
AZƏRTAC xəbər verir ki, Beyləqan Rayon İcra Hakimiyyətinin və rayon tarix-diyarşünaslıq muzeyinin təşkilatçılığı ilə keçirilən sərgidə ermənilərin xalqımıza qarşı törətdikləri soyqırımının dəhşətlərini əks etdirən fotolar nümayiş olunmuşdur.
Rayon İcra hakimiyyətinin şöbə müdiri Eldar Xudaverdiyev və tarix-diyarşünaslıq muzeyinin direktoru Mehriban İsgəndərova sərginin açılış mərasimində çıxış edərək erməni silahlılarının keçmiş SSRİ-nin 366-cı motoatıcı alayının köməyi ilə 1992-ci il fevralın 25-dən 26-na keçən gecə Xocalı şəhərində törətdikləri qırğının acı nəticələri barədə danışmışlar.
Bölmənin digər xəbərləri
