Beynəlxalq Enerji Agentliyi: Qlobal xam neft tələbatının bərpası kövrək olaraq qalır
Bakı, 14 aprel, AZƏRTAC
Qlobal xam neft tələbatının bərpası kövrək olaraq qalır.
AZƏRTAC xəbər verir ki, bu barədə Beynəlxalq Enerji Agentliyi (IEA) məlumat yayıb.
Agentliyə görə, qlobal xam neft tələbatı cari ilin ilk rübündə gözləntilərin altında qalsa da, müsbət iqtisadi proqnozlar və güclü iqtisadi göstəricilər tələbatla bağlı proqnozun yuxarı istiqamətli dəyişdirilməsinə şərait yaradır. Beynəlxalq Valyuta Fondunun (IMF) 2021-ci il üçün qlobal artım proqnozunu 6 faizə qaldırması, dünyanın ən böyük neft istehlakçısı olan ABŞ-da sürətli templə davam edən vaksinasiya prosesləri və hərtərəfli stimul paketləri ilə yanaşı, Çindəki iqtisadi məlumatların yaxşılaşması qlobal neft tələbatı üzrə proqnozun artmasının əsas səbəblərindəndir.
Digər tərəfdən, əsas neft istehlak edən ölkələrdə COVID-19-a yoluxmaların sayının artması səbəbindən tələbatın bərpası kövrək olaraq qalır.
Bölmənin digər xəbərləri
