Beynəlxalq Futbol Assosiasiyaları Şurası: Beş əvəzetmədən istifadəyə imkan verən qayda təsdiqlənib
Bakı, 13 iyun, AZƏRTAC
Beynəlxalq Futbol Assosiasiyaları Şurası (IFAB) komandalara oyun ərzində 5 əvəzetmədən istifadəyə imkan verən qaydanı təsdiqləyib.
AZƏRTAC xəbər verir ki, koronavirus pandemiyası dövründə komandaların kadr çatışmazlığı üzündən tətbiq olunmuş qayda qüvvədə saxlanılıb.
Bu qayda aparıcı milli və beynəlxalq yarışlarda 5 əvəzetmədən istifadəyə imkan verəcək. IFAB bütün futbol ictimaiyyətinə bu düzəlişin daimi əsasda qaydalarda yer almasını tövsiyə edib.
Habelə, ehtiyatdakı maksimal oyunçu sayının 12-dən 15-dək artırılması qərara alınıb. Bu, yarış təşkilatçılarının istəyindən asılı olacaq.
Bölmənin digər xəbərləri
