Beynəlxalq Siqh Federasiyası ilə Bakı Təşəbbüs Qrupu arasında Memorandum imzalanacaq
Bakı, 3 iyun, AZƏRTAC
Beynəlxalq Siqh Federasiyası ilə Bakı Təşəbbüs Qrupu arasında akademik sahədə əməkdaşlığın əsaslarını müəyyənləşdirəcək Memorandum imzalanacaq.
AZƏRTAC xəbər verir ki, bu sözləri jurnalistlərə açıqlamasında Bakı Təşəbbüs Qrupunun icraçı direktoru Abbas Abbasov söyləyib.
O hesab edir ki, etnik və dini azlıqların hüquqlarının müdafiəsi yalnız siyasi və iqtisadi müstəvidə deyil, elmi, təhsil və akademik sahələrdə də dəstəklənməlidir.
Bu sənəd vasitəsilə tərəflər arasında akademik əməkdaşlıq daha da gücləndiriləcək, birgə tədqiqatlar, konfranslar və digər elmi təşəbbüslər üçün möhkəm əməkdaşlıq çərçivəsi formalaşdırılacaq.
Fotoqraf - Orxan Kərimov
Operator - Vüsal Taqiyev
Bölmənin digər xəbərləri
