BEYNƏLXALQ TƏLİM KURSU KEÇİRİLƏCƏKDİR
“Ümidli Gələcək” Gənclər Təşkilatı Avropa Şurasının dəstəyi, Rusiya Federasiyasının Sankt-Peterburq Universitetinin Münaqişələr Mərkəzi və Rusiya-ABŞ Münaqişələr və Vasitəçilik Proqramı ilə birgə fevralın 22-29-da “Münaqişələrin həlli və sülh quruculuğunda gənclərin rolu” mövzusunda beynəlxalq təlim kursu keçirəcəkdir.
Təşkilatdan AZƏRTAC-a bildirmişlər ki, təlim kursunda Baltikyanı ölkələrin nümayəndələri də iştirak edəcəklər. Məşğələləri “Ümidli Gələcək” Gənclər Təşkilatının təlimçiləri və Sankt-Peterburq Universiteti Münaqişələr Mərkəzinin əməkdaşları aparacaqlar.
Kurs çərçivəsində fevralın 28-də Beynəlxalq Mətbuat Mərkəzində mövzuya həsr olunmuş konfrans keçiriləcəkdir.
Bölmənin digər xəbərləri
