REGİONLAR
Biləsuvar sakinlərindən qanunsuz saxlanılan odlu silahlar götürülüb
![](/files/galleryphoto/2023/3/1200x630/17023042561902916710_1200x630.jpeg)
![](/files/galleryphoto/2023/3/1200x630/1702304256629175774_1200x630.jpeg)
![](/files/galleryphoto/2023/3/1200x630/17023042562548419308_1200x630.jpeg)
Biləsuvar, 11 dekabr, AZƏRTAC
Biləsuvar rayon sakinlərindən qanunsuz saxlanılan odlu silahlar təhvil götürülüb.
Bu barədə AZƏRTAC-ın bölgə müxbirinə Daxili İşlər Nazirliyinin Mətbuat Xidmətinin Lənkəran regional qrupundan məlumat verilib.
Bildirilib ki, Biləsuvar Rayon Polis Şöbəsinin əməkdaşları tərəfindən qanunsuz saxlanılan odlu silah-sursatın aşkar edilərək götürülməsi və ya könüllü təhvil verilməsinin təmin olunması istiqamətində keçirilən növbəti tədbirlər nəticəsində 2 nəfər rayon sakini müvafiq sənədləri olmadan qanunsuz saxladığı ov tüfənglərini polis əməkdaşlarına könüllü olaraq təhvil verib.
Bundan əlavə, sanitar-gigiyena qaydalarının pozulması hallarının qarşısının alınması məqsədilə Biləsuvar RPŞ-nin əməkdaşları tərəfindən keçirilən tədbirlər zamanı məişət tullantılarının müəyyən edilmiş yerlərdən kənara atılması, ətrafın zibillənməsi halları aşkarlanıb. Ərazinin zibillənməsi halları ilə bağlı 5 nəfər barəsində İnzibati Xətalar Məcəlləsinin 266.3-cü (Məişət tullantılarının tutumlardan (urnalardan) kənar yerlərə atılmasına görə) maddəsinin tələbini pozduğuna görə inzibati qaydada protokol tərtib olunub.