CƏMİYYƏT
Binə qəsəbəsində avtomobil oğurlamaqda şübhəli bilinən şəxs saxlanılıb
Bakı, 1 oktyabr, AZƏRTAC
Binə qəsəbəsində avtomobil oğurlamaqda şübhəli bilinən şəxs saxlanılıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, Xəzər Rayon Polis İdarəsinin 3-cü polis bölməsinə müraciət edən Binə qəsəbə sakini N.Cəfərov “VAZ-2106” markalı avtomobilinin qaçırılması barədə məlumat verib.
Keçirilmiş əməliyyat-axtarış tədbirləri nəticəsində avtomobilin N.Cəfərovun evində qonaq olan A.Quliyev tərəfindən qaçırılması müəyyən edilib. Nəqliyyat vasitəsini qaçırmaqda şübhəli bilinən A.Quliyev həmin gün saat 2 radələrində avtomobillə birgə polis əməkdaşları tərəfindən qəsəbə ərazisində saxlanılıb.