Binəqədi rayonunun kitabxanalarında 20 Yanvar faciəsinə həsr olunmuş tədbirlər keçirilmişdir
Bakı, 20 yanvar (AZƏRTAC). Xəbər verildiyi kimi, Binəqədi Rayon Mərkəzləşdirilmiş Kitabxana Sistemi 20 yanvar faciəsinə həsr olunmuş silsilə tədbirlər keçirir.
Kitabxanadan AZƏRTAC-a bildirmişlər ki, MKS-nin 1, 2, 4 nömrəli filiallarında “Qanlı Yanvar xalqımızın qəhrəmanlıq salnaməsidir”, “Ağla, qərənfil, ağla”, “Ümumxalq hüzn günü” mövzularında tədbirlər keçirilmişdir.
Tədbirlərdə Vətənin azadlığı uğrunda şəhid olanların xatirəsi bir dəqiqəlik sükutla yad edilmişdir. Çıxışlarda canlarını Vətən uğrunda şəhid etmiş qəhrəmanların xatirəsinin respublikamızın hər yerində böyük ehtiramla yad edilməsindən, bu günün qəhrəmanlıq səhifəsi kimi xatırlanmasından söhbət açılmışdır. Şagirdlərin ifasında vətənpərvərlik mövzusunda şeirlər təqdim olunmuşdur.
Mövzu ilə əlaqədar kitabxanalarda təşkil edilmiş sərgilər oxucular tərəfindən maraqla izlənilmişdir.
Bölmənin digər xəbərləri
