BMT-NİN BAŞ KATİBİ İRAN PREZİDENTİNDƏN HOLOKOSTU DANMAMAĞI XAHİŞ ETMİŞDİR
Annan demişdir: “İfadə azadlığı hüququ var, lakin bu hüquq məsuliyyəti, sağlam düşüncəni və nəzakətliliyi rədd etmir. Holokost faciəsi kədərli və danılmaz tarixi faktdır. Onun bir daha təkrarlanmamasına əmin olmaq üçün bu faciəni anlamaq, İkinci dünya müharibəsində məhz nələr törədildiyini uşaqlarımıza başa salmaq lazımdır”.
Xatırladaq ki, sərginin təşkilatçılarının sözlərinə görə, “eksponatlar keçən il Danimarkanın “Yullandes posten” qəzetində Məhəmməd Peyğəmbərə aid dərc edilmiş karikaturalara ərəb dünyasının ancaq cavabıdır, Qərbin tərifi yerə-göyə sığmayan dözümlülüyünü yoxlamaq, onların İkinci dünya müharibəsində altı milyon yəhudinin qırılıb-çatılmasına dair karikaturalara necə münasibət göstərməsini aydınlaşdırmaq cəhdidir”.
İran Prezidenti Mahmud Əhmədinejad BMT-nin baş katibinə xatırlatmışdır ki, Holokosta dair Tehranda konfrans keçiriləcəkdir. Əhmədinejad çıxışlarında nasistlərin altı milyon yəhudini öldürməsini mif adlandırmış, habelə İsraili Yer üzündən silməyi, yaxud Almaniyaya və ya Birləşmiş Ştatlara köçürməyi təklif etmişdir.
Annan Tehrana BMT Təhlükəsizlik Şurasının uranın saflaşdırılmasını avqustun 31-dək dayandırmaq tələbini İran rədd etdikdən sonra getmişdir.
O, Əhmədinejad ilə görüşdən sonra bildirmişdir ki, İran Prezidenti ölkənin nüvə proqramı barədə BMT Təhlükəsizlik Şurası ilə danışıqlar aparmağa hazırdır və bununla yanaşı, uranı saflaşdırmağın dayandırılmayacağını açıqlamışdır. Annan İranın bir sıra rəsmi şəxsləri ilə də görüşmüşdür.
Bölmənin digər xəbərləri
