BMT-NİN DEN HAAQA TRİBUNALI SOYQIRIMI TÖRƏDƏN CİNAYƏTKARI LAYİQİNCƏ CƏZALANDIRMIŞDIR
Haaqadakı Hərbi Canilərin işi üzrə Beynəlxalq Tribunalı keçmiş Bosniya-Serbiya generalı, hərbi cani Radislav Kristiçi soyqırımı, hərbi və insanlığa
qarşı bəşəri cinayət törətdiyinə görə təqsirkar bilərək 35 il həbscəzasına məhkum etmişdir.
Beynəlxalq Tribunal cinayətkarın 1995-ci ildə Srebrennitsada 7000
etnik müsəlmana qarşı qəddarlıqla törətdiyi soyqırımını dəlil və faktlarla sübuta yetirmiş və məhkəmənin hökmünün qəti və dəyişilməz qərar olduğunu elan etmişdir.
Xatırladaq ki, Den Haaqa Tribunalı hələ 2001-ci ilin avqustunda məhkəmə prosesinin birinci mərhələsində canini soyqırımın bilavasitə rəhbəri kimi 46 il həbs cəzasına məhkum etmişdi. Caninin vəkillərinin apellyasiya tələbi ilə bu il aprelin 19-da keçirilən ikinci prosesdə isə Beynəlxalq Tribunal caninin işini “soyqırımın təşkilatçısı” maddəsini “soyqırımın fəal iştirakçısı” ilə yüngülləşdirərək əvvəlki məhkəmə prosesində elan olunmuş 46 il həbs cəzasını 35 ilə endirmişdir.
Bölmənin digər xəbərləri
