Boğaziçi Film Festivalı “Qoca və Silah”la açılacaq
Bakı, 6 sentyabr, AZƏRTAC
Beynəlxalq Boğaziçi Kino Dərnəyi və İstanbul Media Akademiyası tərəfindən təşkil olunan altıncı Beynəlxalq Boğaziçi Film Festivalının açılış filminin adı açıqlanıb.
AZƏRTAC Anadolu agentliyinə istinadla xəbər verir ki, festival oktyabrın 26-dan noyabrın 3-dək Türkiyənin İstanbul şəhərində keçiriləcək.
Türkiyənin Mədəniyyət və Turizm Nazirliyinin dəstəklədiyi, Anadolu Agentliyinin qlobal kommunikasiya tərəfdaşı olduğu festival tanınmış aktyor Robert Redfordun rol aldığı “Qoca və Silah” (The Old Man end The Gun) filmi ilə açılacaq. Devid Loverynin ekranlaşdırdığı filmdə R.Redfordla yanaşı, bir sıra tanınmış aktyorlar da rol alıb.
Son quldurluğuna hazırlaşan 70 yaşlı Forrest Takerin gerçək həyat hekayəsindən götürülən film Türkiyədə ilk dəfə göstəriləcək.
Bölmənin digər xəbərləri
