Boks üzrə Azərbaycan millisi hazırlığa başlayır
Bakı, 2 fevral, AZƏRTAC
Kişi boksçulardan ibarət Azərbaycan millisi fevralın 4-də təlim-məşq toplanışına start verəcək. Komandamızın baş məşqçisi Leonid Loivski hazırlığa 23 boksçu cəlb edib.
Azərbaycan Boks Federasiyasından AZƏRTAC-a verilən xəbərə görə, bunlar ölkə çempionatının finalçıları, həmçinin həlledici görüşdə döyüşməyən, lakin öz çıxışları ilə məşqçilər korpusunun diqqətini cəlb edən idmançılardır. Bakıda, Boks Mərkəzində təşkil olunacaq məşqlər fevralın 16-dək davam edəcək.
Toplanış Bolqarıstanın paytaxtı Sofiyada keçiriləcək “Strandja” turnirinə hazırlıq məqsədi daşıyır. Bu yarış fevralın 18-dən 26-dək keçiriləcək.
Bölmənin digər xəbərləri
