BOSNİYALI SERB HƏRBİ CİNAYƏTKAR ÖZÜNÜ GÜLLƏLƏMİŞDİR
Stevan Todoroviç öz evinin həyətində başından güllə dəymiş və əlində tapança tutmuş vəziyyətdə tapılmışdır. İstintaqın ilkin məlumatına görə, Todoroviç intihar etmişdir. Polis idarəsində bildirmişlər ki, ölümün səbəbləri haqqında qəti məlumat meyit yarıldıqdan sonra veriləcəkdir.
Todoroviç 1992-1995-ci illərin vətəndaş müharibəsi zamanı törətdiyi hərbi cinayətlərə görə Haaqa tribunalı tərəfindən məhkum edilmişdi. O, Bosanski Şamats şəhərində bosniyalı serblərin polis rəisi olarkən şəhər ərazisində etnik təmizləmələrdə iştirak etmiş, bosniyalı müsəlmanların qətlə yetirilməsində və onlara işgəncə verilməsində ittiham olunmuşdu.
On il müddətinə həbs cəzasına məhkum edilmiş Todoroviç 2005-ci ildə vaxtından əvvəl azadlığa buraxılmışdı.
Bölmənin digər xəbərləri
