Böyük Britaniyada 2025-ci ildə 300-dən çox zəlzələ qeydə alınıb
London, 29 dekabr, AZƏRTAC
Böyük Britaniyada 2025-ci ildə 300-dən çox zəlzələ qeydə alınıb.
AZƏRTAC BBC-yə istinadla xəbər verir ki, 18 dekabr tarixinədək ölkə üzrə ümumilikdə 309 seysmik hadisə baş verib. İlin ən güclü iki zəlzələsi Şotlandiyanın Perth və Kinross bölgəsində, Loch Lyon ərazisində qeydə alınıb. Oktyabrın 20-də ardıcıl baş verən bu zəlzələlərdən birinin maqnitudası 3,7, digərinin isə 3,6 olub.
Bildirilir ki, seysmik aktivlik əsasən Şotlandiyanın Perthşir və qərb Highlands bölgələrində, Uelsin cənub hissələrində, eləcə də İngiltərənin Yorkşir və Lancaşir ərazilərində müşahidə edilib. Mütəxəssislərin sözlərinə görə, 2025-ci ildə Böyük Britaniyada orta hesabla demək olar ki, hər gün bir zəlzələ baş verib.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
