Böyük Britaniyada bir həftə ərzində 130 mindən çox insana peyvənd vurulub
London, 16 dekabr, AZƏRTAC
Böyük Britaniyada bir həftə ərzində 130 mindən çox insana peyvənd vurulub.
Peyvəndin tətbiq olunmasına məsul şəxs Nadim Zahavi öz “Tvitter” hesabında dekabrın 8-dən 15-nə kimi 137 min 897 nəfərə Pfizer / BioNTech peyvəndinin vurulduğunu qeyd edib. O, bunun yaxşı başlanğıc olduğunu söyləyib.
Bu həftə daha 10 xəstəxana bu proqrama qoşulacaq.
Qeyd edək ki, dekabrın 8-dən etibarən Böyük Britaniyada Pfizer / BioNTech şirkətlərinin hazırladığı koronavirus peyvəndi 70-dən çox xəstəxanada tətbiq olunmağa başlayıb. Şimali İrlandiyanın Enniskilen şəhərində yaşayan 90 yaşlı Margaret Kinan adlı qadın, peyvəndin tətbiq olunduğu ilk insan olub.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
