Brüsseldə Xocalı soyqırımının 20-ci ildönümü ilə əlaqədar mitinq keçiriləcəkdir
Bakı, 14 fevral (AZƏRTAC). Fevralın 28-də Belçikanın paytaxtı Brüsseldə Xocalı soyqırımının 20-ci ildönümü ilə əlaqədar mitinq keçiriləcəkdir.
Diasporla İş üzrə Dövlət Komitəsindən AZƏRTAC-a bildirmişlər ki, Brüsseldəki “Place Schuman” meydanında Avropa Komissiyasının önündə “Hamımız xocalılıyıq! Hamımız türkük!” şüarları altında keçiriləcək “İnsanlıq ayıbı Xocalıya ədalət mitinqi”ndə Belçikada fəaliyyət göstərən Azərbaycan və türk diaspor təşkilatlarının, siyasi partiya və ictimai qurumların nümayəndələrinin iştirakı gözlənilir.
Azərbaycan-Belçika Dostluq Cəmiyyətinin təşəbbüsü ilə keçiriləcək aksiyanın məqsədi ictimaiyyətin diqqətini ermənilərin Azərbaycanın Xocalı şəhərinin dinc sakinlərinə qarşı törətdikləri soyqırımına yönəltmək, Xocalı faciəsi qurbanlarının xatirəsini anmaqdır.
Bölmənin digər xəbərləri
