Bu gün kişi voleybolçular arasında Azərbaycan çempionu bəlli olacaq
Bakı, 25 aprel, AZƏRTAC
Bu gün kişi voleybolçular arasında Yüksək Liqada 2024-2025-ci illər mövsümünün qalibi məlum olacaq.
AZƏRTAC xəbər verir ki, “Murov Az Terminal” və “Azərreyl” komandaları finalın ikinci oyununda qarşılaşacaqlar. Görüş saat 15:00-da Milli Gimnastika Arenasında təşkil olunacaq.
Komandalar arasında ilk matç “dəmiryolçular”ın 3:0 hesablı qələbəsi ilə yekunlaşıb.
Qeyd edək ki, reqlamentə görə, qalib iki oyunun nəticəsinə əsasən müəyyən olunacaq. İki qarşılaşmadan sonra tərəflər hərəyə bir qələbə qazanarlarsa (xallar da bərabər olarsa), “qızıl set” oynanılacaq.
Bölmənin digər xəbərləri
