Bu günədək Şuşa və Ağdam istiqamətinə 1100-dən çox avtobus bileti satılıb
Bakı, 31 yanvar, AZƏRTAC
Bu günə qədər Şuşa və Ağdam istiqamətində 12 reys uğurla həyata keçirilib.
Rəqəmsal İnkişaf və Nəqliyyat Nazirliyindən AZƏRTAC-a bildirilib ki, vətəndaşlar müvafiq istiqamətlər üzrə ümumilikdə 1100-dən çox bilet alıblar.
Həmçinin marşrutların təhlili, həmçinin tələbat və bilet satışı dinamikası, eləcə də vətəndaşların istəkləri nəzərə alınaraq, avtobusların hərəkət cədvəllərində müəyyən dəyişikliklər olunub. Belə ki, mart ayından avtobuslar Bakı-Ağdam-Bakı istiqamətində həftədə 1 dəfə (hazırda 2 dəfədir), fevralın 22-dən Əhmədbəyli-Şuşa-Əhmədbəyli istiqamətində həftədə 2 dəfə hərəkət edəcək.
Qeyd edək ki, Bakı-Şuşa-Bakı istiqamətində isə avtobus reysləri fevralın 16-dan etibarən həftədə 3 dəfə olacaq.
Bölmənin digər xəbərləri
