CƏLİLABAD RAYON UŞAQ KİTABXANASINDA “QƏDƏMLƏRİN MÜBARƏK, DOĞMA MƏKTƏB” ADLI TƏDBİR KEÇİRİLMİŞDİR
AZƏRTAC Mədəniyyət və Turizm Nazirliyinə istinadla xəbər verir ki, Cəlilabad rayon uşaq kitabxanasında “Qədəmlərin mübarək, doğma məktəb” adlı tədbir keçirilmişdir.
Baş kitabxanaçı R.Əliyeva bu il birinci sinfə gedən uşaqlara Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban xanım Əliyeva tərəfindən dərs ləvazimatlarının hədiyyə edilməsini xatırlatmış, bu xoş addımın əhali tərəfindən rəğbətlə qarşılandığını qeyd etmişdir.
Çıxış edən natiqlər yeni dərs ili münasibətilə şagirdləri təbrik etmiş, bəşəriyyətin inkişafının yeganə yolunun elm, təhsil və mütaliədə olduğunu bildirmişlər.
Rayon kitabxanalarına yeni daxil olmuş nəşrlərdən ibarət “Bəşəriyyətin nicatı mütaliədədir” adlı sərgi maraqla qarşılanmışdır.
Şagirdlərin ifasında kitaba, elmə, məktəbə, müəllimlərə həsr olunmuş şeirlər və müdrik kəlamlar səslənmişdir.
Bölmənin digər xəbərləri
