Cəlilabadda üzüm yığımı başa çatıb
Cəlilabad, 1 oktyabr, Bağır Əliyev, AZƏRTAC
Ölkəmizin ən böyük üzümçülük rayonlarından biri olan Cəlilabadda iyul ayından başlayan məhsul yığımı kampaniyası başa çatıb.
Cəlilabad Rayon Dövlət Aqrar İnkişaf Mərkəzindən AZƏRTAC-ın bölgə müxbirinə verilən məlumata əsasən, rayonda mövcud olan 1401 hektar məhsuldar üzüm bağından 15 min 929 ton məhsul yığılıb. Üzüm bağlarının hər hektarından götürülən məhsuldarlıq 110 sentner təşkil edib.
Rayonda yetişdirilən üzüm əsasən Bakı şəhərinin və ətraf rayonların bazarlarında satışa çıxarılmaqla yanaşı, Rusiyaya da ixrac edilib. Rusiya bazarlarına 30 ton üzüm məhsulu göndərilib.
Qeyd edək ki, ötən il rayonun 1401 hektar üzüm sahəsindən 10 min 80 ton məhsul yığılıb.
Bölmənin digər xəbərləri
