Cənubi afrikalı professor: Qeyri-formal yaşayış məskənləri meqapolislərin də problemidir VİDEO
Bakı, 20 may, AZƏRTAC
Qeyri-formal yaşayış məskənləri yalnız bir neçə az inkişaf etmiş şəhərin problemi deyil. Bu problem meqapolislərdə də mövcuddur. İstər 1970-ci illərin San-Paulodakı modernləşmə dalğası, istərsə də Quançjou və ya Bakı kimi şəhərlərdəki iqtisadi keçidin gətirdiyi daha yeni çağdaş dəyişikliklər olsun, qeyri-formal yaşayış məskənləri hər zaman mənzil tələbatı ehtiyaclarını özündə cəmləşdirib.
AZƏRTAC xəbər verir ki, bu sözləri WUF13 çərçivəsində keçirilən "Dünyada mənzil üçün qeyri-rəsmi yaşayış məntəqələrinin və gecəqonduların dəyişdirilməsi" adlı tədbirdə Cənubi Afrikanın Vits Universitetinin professoru Mari Hukzemann deyib.
Onun sözlərinə görə, bir çox şəhər mənzil fondunu genişləndirmək və əhalinin kommunal xidmətlərlə təmin olunmuş torpaq sahələrinə əlçatanlığını reallaşdırmaq iqtidarında deyil. “Bugünkü dialoqda qeyri-formal yaşayış məskənləri ilə bağlı problemlərin gələcəkdə daha da mürəkkəbləşə biləcəyi reallığından çıxış etməliyik”, - deyə o əlavə edib.
Fotoqraf - Aydın Məmmədov
Bölmənin digər xəbərləri
