Cənubi Koreya və ABŞ F-35 qırıcılarının iştirakı ilə birgə təlimlər keçirib
Bakı, 23 fevral, AZƏRTAC
Koreya Respublikası və ABŞ-ın Hərbi Hava Qüvvələri F-35A qırıcı təyyarələrinin iştirakı ilə birgə təlimlər keçirib.
AZƏRTAC xəbər verir ki, Yonhap agentliyi bu barədə Cənubi Koreya ordusuna istinadla məlumat yayıb.
ABŞ-ın Cənubi Koreyadakı hərbi kontingenti F-35A qırıcılarına malik deyil və təlimlərdə Koreya Respublikasının F-35A, KF-16, F-15K və digər növ təyyarələri iştirak edib. Təlimlər zamanı şərti düşmənin təyyarələrinin və qanadlı raketlərinin zərərsizləşdirilməsi üzrə müdafiə tədbirləri yoxlanılıb.
Qeyd edək ki, Pxenyan yanvarın 28-də “Pulhvasal-3-31” qanadlı raketinin, fevralın 14-də isə gəmi əleyhinə “Padasuri-6” raket sisteminin uğurlu sınaqlarını keçirib. Eyni zamanda, yanvarın 30-da Şimali Koreyada “Hvasal-2” strateji qanadlı raketinin iştirakı ilə təlimlər olub.
Bölmənin digər xəbərləri
