Cənubi Koreyada 234 hektar meşə sahəsi yanıb
Pekin, 23 fevral, AZƏRTAC
Cənubi Koreyanın Hamyanq rayonunda 2 gündür davam edən meşə yanğını tam nəzarət altına alınıb.
AZƏRTAC Koreyanın Meşə Xidmətinin məlumatına istinadla xəbər verir ki, 44 saat davam edən yanğın 234 hektar sahəni əhatə edib. Yanğınla əlaqədar 164 sakin təxliyə edilib. İtki barədə məlumat yoxdur.
Fevralın 21-də axşam vaxtı başlayan yanğının söndürülməsinə 115 helikopter, 250 texnika və 1600 işçi səfərbər edilib.
Baş nazir Kim Min Sok təbii fəlakət bölgəsinə səfər edib, təxliyə olunan sakinlərlə görüşdə onlara lazımi dəstəyin göstəriləcəyini deyib.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
