Çempionlar Liqası: “Mançester Siti” “İnter”i, PSJ “Jirona”nı qəbul edəcək
Bakı, 18 sentyabr, AZƏRTAC
UEFA Çempionlar Liqasının yeni formatda keçirilən əsas mərhələsində bu gün ilk turun növbəti oyunları olacaq.
AZƏRTAC xəbər verir ki, futbol azarkeşləri 6 qarşılaşmaya şahidlik edəcəklər.
Günün ən maraqla gözlənilən görüşü İngiltərədə baş tutacaq. “Mançester Siti” son İtaliya çempionu “İnter”i qəbul edəcək. Matçın start fiti Bakı vaxtı ilə saat 23:00-da səslənəcək.
UEFA Çempionlar Liqası
Liqa mərhələsi
18 sentyabr
I tur
20:45. “Bolonya” (İtaliya) – “Şaxtyor” (Donetsk, Ukrayna)
20:45. “Sparta Praqa” (Çexiya) – “Zaltsburq” (Avstriya)
23:00. “Seltik” (Şotlandiya) – “Slovan” (Slovakiya)
23:00. “Brügge” (Belçika) – “Borussiya Dortmund” (Almaniya)
23:00. “Mançester Siti” (İngiltərə) – “İnter” (İtaliya)
23:00. PSJ (Fransa) – “Jirona” (İspaniya)
Qeyd edək ki, UEFA Çempionlar Liqasının Liqa mərhələsində birinci turun ilk 6 matçı ötən gün keçirilib. İlk tura sentyabrın 19-da yekun vurulacaq.
Bölmənin digər xəbərləri
