Çexiya Prezidenti: Yeni geosiyasi çağırışlar Avropa İttifaqının genişlənməsinin yeni dinamikasını tələb edir
Bakı, 4 oktyabr, AZƏRTAC
Çexiya Prezidenti Peter Pavel cəmiyyətin təhlükəsizliyini gücləndirmək üçün Avropa İttifaqının genişlənməsinin vacibliyini bildirib.
AZƏRTAC xəbər verir ki, o, bu barədə Brüggedəki Avropa Kollecində yeni tədris ilinin açılışında çıxışı zamanı söyləyib.
Peter Pavel qeyd edib ki, yeni geosiyasi çağırışlar Avropa İttifaqının genişlənməsinin yeni dinamikasını tələb edir. “Çox uzun müddətdir ki, bəzi Avropa ölkələrini geosiyasi manipulyasiyalarla baş-başa buraxmışıq”, - deyə vurğulayıb.
Pavel hesab edir ki, Qərbi Balkan yarımadası, Ukrayna, Moldova və Gürcüstanın Aİ-yə inteqrasiyasını sürətləndirmək lazımdır. Onun sözlərinə görə, Qərbin təhlükəsizlik strukturlarına qoşulmaq istəyən ölkələrin səylərinin həyata keçirilməsini asanlaşdırmaq lazımdır. Prezident, həmçinin əlavə edib ki, Praqada demokratiyanın möhkəmləndirilməsi məsələlərini müzakirə etmək üçün beynəlxalq konfrans təşkil etməyi planlaşdırır.
Bölmənin digər xəbərləri
