Çexiyanın müdafiə nazirinin Ukrayna barədə açıqlamaları narazılığa səbəb olub
Bakı, 25 dekabr, AZƏRTAC
Çexiyanın SPD (Azadlıq və Birbaşa Demokratiya) partiyası ölkənin müdafiə naziri Yaromir Zunaya Ukrayna haqqında açıq danışmağı qadağan edib.
AZƏRTAC xəbər verir ki, “Le Monde” qəzetinin məlumatına görə, nazirin Ukraynanı dəstəkləməyə davam etmək niyyəti ilə bağlı açıqlamaları partiya daxilində narazılığa səbəb olub, hətta bəzi siyasətçilər Yaromir Zunanı sözlərini geri götürməyə və ya istefa verməyə çağırıblar.
Qeyd olunur ki, partiya sədri Tomio Okamura nazirin artıq Ukrayna mövzusu ilə bağlı çıxış etməyəcəyini və Kiyevə davamlı dəstəklə bağlı bütün sualların Çexiyanın Baş naziri Andrey Babişə ünvanlanacağını açıqlayıb.
Bölmənin digər xəbərləri
