“ÇİMNAZ XANIM YUXUDADIR” TAMAŞASININ TƏQDİMATI OLMUŞDUR

19.05.2006 [22:42]
Çap et
A⁺ A^-

AZƏRTAC xəbər verir ki, mayın 19-da Azərbaycan Dövlət Gənc Tamaşaçılar Teatrında xalq şairi, Sosialist Əməyi Qəhrəmanı, Dövlət mükafatı laureatı Süleyman Rüstəmin “Çimnaz xanım yuxudadır” əsəri əsasında rejissorlar əməkdar artist Rafiq Əliyevin və xalq artisti Vaqif Əsədovun quruluşunda eyniadlı tamaşanın təqdimatı olmuşdur.

Böyük sənətkarın anadan olmasının 100 illik yubiley tədbirləri çərçivəsində dövlət sifarişi ilə hazırlanan yeni quruluşda səhnə əsərində rolları xalq artisti Yasin Qarayev, Atabala Səfərov, Naibə Allahverdiyeva, Könül Yusifqızı, Elşən Rüstəmov, Elnur Hüseynli, Şəbnəm Babayeva, Firuzə Balayeva və başqaları oynamışlar.

Teatrsevərlər tərəfindən maraqla qarşılanan tamaşanın quruluşçu rəssamı Elnur Babayev, bəstəkarı, əməkdar artist Gövhər Həsənzadədir.